雖冇情人，返到公司都有禮物收，就是來自會計靚女的愛心早餐。
條朱古力不是重點，為食入面包得靚靚的高脂餐蛋治嗟。
不過份愛心早餐，早到一點幾先有得食。今日情人節先黎大壇野。

我公司其中一個最大客，好揀唔揀揀今日情人節上我公司開會，
仲要係年度最終會議決定落唔落單定生死，
基本上今年食粥食飯還看今朝。冇錯，全公司十幾人條命，
就掌握在劉Sir手上。各位朋友命仔都幾危矣。
基於劉Sir懶，就搵左修過下設計的會計靚女佈置個辦房，
佈完陣佢自己做埋model影相。見咁搏命就知公司幾唔掂，
同大家對劉Sir幾冇信心啦。有幾張更加趙碩之，
不過為保人身安全，都係唔好出街喇。
佢咁幫得手，梗會回番份情人節禮物俾佢啦。

TRHK派套，唔係玩野架，真係有架！
（不過事實上就算你唔買野直接問劉Sir佢照會俾你，呵呵）
紫藤免費性教育小冊子出到第二期，有岡本贊助，
一本書一個套，0.03超薄加士多啤梨味，
俾得我我又應承，就實會盡社會責任派得好好睇睇。
初時以為冇人會拎，點知極受歡迎，一個鐘唔夠十幾本派晒，
當中超過一半係阿叔同阿伯，拎完仲要笑笑口。
好在我一早過左疊俾會計靚女當情人節禮物。
今個禮拜六日，佢應該會好開心。

呢條女咩料到而家仲唔多知，係七刀臨去美國之前，
因為目標從日本妹變成鬼妹，就成疊寫真過晒俾我，
原因之一，係條囡囡同我同年同月同日生。
見今日情人節，咪開黎應應節睇睇囉。
不過我從來唔覺得寫真 － 有冇著衫都好 － 有乜好睇。

仲有多本，更加唔知咩黎。明顯因為佢走要清屋多過有心送禮。
我已經將呢本寫真集劃為新一項$666優惠禮品。
各位到TRHK購物的朋友，你們有新的人生目標了！

隔籬舖一齊過孤獨情人節的肥仔拎左隻平野綾黎襯墟，
之前睇過佢幾個MV，係唔錯的，
但睇囡囡著幾塊布行行企企講日文，真係冇乜興趣。
呢隻當然係翻版啦。睇睇價錢，買隻正版的話差唔多要五舊水。
難怪大家寧願睇四仔了。更平之餘更精彩，
較合乎成本效益。