如果呢首《I Have a Dream》就係謝安琪今年新碟個樣．．．《第二個家》的教訓還不夠大嗎？
嘩好耐冇黎過樂人地帶睇show，冇計真係好遠，個車站要行兩個字去到巴士等親起碼四個字上到去又要坐半個幾鐘落完車仲要行多三個字，一來一回真係取西經咁艱辛呀（我認我俾一程唔使半個鐘的Hidden Agenda縱壞左）。近排屋企好多野搞，難得今日紅假就到時間出黎，同埋，metal喎！仲因為二寶樂兩日唔埋就黎一句「黎睇我場呀屌你老母！」佢教識左大家，鍥而不捨相當重要，同人不要面天下無敵。
好開心見到香港有新gothic metal band（係我孤陋寡聞嗟）。cover同原創歌一半半，一比較聽到隊band技術已練到差唔多但寫歌未太得。 女歌手把聲唔錯，不過高音有時唔夠穩，好似第二首有點吊住吊住扯唔到上去。不過咁後生，來日方長啦。
「在此特別鳴謝Synergy今晚出唔到，我先至有靚女睇，口桀口桀」
嘩屌唔講以為聽緊水晶迷。所以今場我會俾Valkyrie好撚高分。
在這個全世界都要嘔泥要breakdown的世界仲玩到咁old school，加100分；
歌長得黎編到全隊人人都有solo位，加100分 ；
兩個結他佬要solo啡到仆晒街再反手tapping double lead，加100分x2；
cover Iron Maiden，加500分；
有靚女唱，加1000分；
台風夠娘夠造作連枝咪都要用大大舊老土款私家咪，加多1000分；
套衫又口桀口桀口桀口桀好難唔俾多1000分；
總之，好撚高分，贏晒，擺明偏私吹咩，鬼叫佢地隊band有女你隊冇。
（想我正經地講？其實上面講得好正經架喇，不過都可以講得冇咁正經：如果歌妹把聲可以再入咪同咬字清楚多少少會更好。同老實，我覺得鼓佬唔太得，唔少位打出黎，你聽到會覺得好「錯」．．．）
「話時話，幾時cover香港metal永恆金曲《黑煞夜》先？」
只講第一首。其實而家香港好(metal)core band唔算少不論後生還是老誠，但好多都達唔到應有之高水平，次是歌（「我要breakdown我要breakdown我要breakdown」），首是唱，經常要同時有拆聲同清聲結果好易出事，因為有時候你拆到盡只留少少／應有之清聲唔係壞事甚至係好事，好似跟住幾首Killswitch Engage噉咪幾好，但點解「咎由自取」（唔記得左首歌叫咩，只記得呢句詞，因為填詞唔太理想，基本押韻都未做得好）一定要唱咁多清聲，又要一句入面清聲唱幾個字立即拆返唱幾個字又轉聲結果搞到咁混亂破壞晒氣氛呢？
同，歌手都叫高，點解要企上個箱度唱，要踩其實踩芒都夠晒．．．
好難得搵得到香港有southern metal band，只係呢家野實在好蝦人玩，特別唱，同隊band應該係想走nu一點的方向。總結係，我鍾意佢地個名多過音樂。
早已成為香港最佳live band之一，晏晝玩完深圳場趕返香港夜晚再踩都可以咁撚正，仲需要講咁多咩。只想話而家好多大show同外國重型band黎香港開show，都鍾意搵Shepherds the Weak做opening，但其實仲有Darkness Pool呢個好選擇的。
十蚊一隊band好抵睇，其實$50睇Valkyrie同Darkness Pool已經抵晒，仲要有碟送。有幾隊band自己搞左個單位Core Reactor睇show有demo送，睇名都知道係(metal)core雜錦，簡單聽左Soul of Ears幾入耳，之前有次出show錯過左佢地部份而家聽返demo先知咁過癮，有點gothic black的metalcore夠性格但又唔會太似Winds of Plague之類，The Priceless Boat都唔錯編曲做得幾好，雖然見到個名真係好想問做乜鳩，有興趣的朋友自己搵主辦單位拎啦照計無限派。下次再有呢類show就到時間都會捧場，不過話定我知有冇Valkyrie先，因為葵涌真係好叉遠．．．
每次有戲上新一集，電視就會瘋狂重播舊作，搞到我廿四個鐘內睇左四次《G.I. Joe》。琴晚明珠930做完到有線做，今日訓醒晏晝有線又播多次，本身夜晚要出街同親戚食飯就順便睇埋第二集，繼當年《妖夜尋狼》夜晚皆旺睇完第一集立即衝上新世紀睇第二集午夜場後又一新紀錄。可惜新世紀GV已RIP。
我要求好低好過上集就得，不過想差過其實好難，上集真係甩皮甩骨到拍黎擺明為sell玩具真正孩之寶心態，起碼今次編劇同導演冇咁卡通片似返套戲先，個局叫唔錯會覺得真係有陰謀，劫獄同最後呃晒全世界一齊射核彈兩段我幾鍾意，雖然中國控制核彈部電腦螢幕大大隻字「雅虎香港」射核彈個掣仲要寫住「準備好」就真係笑到你仆街。同，咦，點解部腦會用繁體字，同係香港控制全國核武？義勇群英果然係反中亂港的邪惡外國勢力，難怪戲入面美國政府都要剿滅佢地！
打都多同好左，雖然忍者條線除左為攝時間同擺全系列最有意思的忍者入去完全冇意義（到頭來，G.I. Joe半個存在價值始終係為賣商品）（另外半個係乜？咪就係等班靚仔睇完以為做軍佬好型呃佢地大過入伍囉，其實當年好多美國卡通商業得黎好重政治意味），但基本上上集班人冇幾多個今集再見得返，永世見唔到樣的蛇眼同毒蛇司令就搵邊個做都冇所謂啦，原來The Rock先係主角，而Bruce Willis係個超級大路人。呢樣我都冇咩問題，但係上集明明兩邊女角都好正，到左今集，喂，囡呢？？？
係咪老餅band特別易出問題呢，繼Dream Theater同Queensryche請大家食花生食到滯（Queensryche仲要未食完＆有排食添），今舖到Slayer。Jeff Hanneman因病請大假之後Kerry King奪權，先踢走Dave Lombardo，跟住Tom Araya都唔玩，但tour要出錢要搵，Kerry King就搵左曾經幫過手的舊鼓佬John Dette、Exodus結他手Gary Holt同離開Metallica之後大家等佢復出好耐的Jason Newsted，搞左隊掛名Slayer出黎繼續招搖。如果唔係愚人節笑話，黎緊Slayer演唱會應該會好好睇，雖然Tom Araya係我最鍾意thrash metal歌佬，但係，Jason Newsted出山喎。佢把超猛拆聲配Slayer音樂，會令佢地變到好death thrash。
而家Slayer已經由一隊band，變成一個all-star project。前路仲要再加茫茫：
命運相當有趣。當年未來四大之首Metallica由Exodus撬左Kirk Hammett，令本身比其他人更早得thrash metal之道之Exodus元氣大傷失去晉身四大之天地人優勢，即使《Bonded by Blood》係其中一隻最完美thrash metal唱片，已經錯過時機風頭已被其他人搶過。過左差唔多三十年，今次到Slayer想撬佢地元老Gary Holt過檔，如果歷史重演主力結他手俾另一四大天王搶走，Exodus好可能同當年一樣再遭重創，分別係而家再發生有機會導致散band收場。或者Gary Holt以史為鏡堅守自己樂隊，Exodus先得以保得住條命仔，仲好雖然近兩隻《Exhibition》有點失色（《Let There Be Blood》就當冇發生過啦），以佢地狀態要寫隻新碟超過而家散晒的Slayer，其實唔難。
不過搞到今時今日景況，Slayer應該要改名了，古有Sexoturica，今呢，佢地已變成Slanthraxodus。
咦，facebook又改版。冇左timeline了，冇得再用呢張cover photo門佢，係時候換新封面相，因為個新介面唔使門（住）
英國「rap djent」band Hacktivist出左新歌＆MV《Elevate》。近排勁煲MastaMic首《Hate Me》，跟住聽到《Elevate》，兩首輪住聽，覺得如果有人將《Hate Me》個底mix成djent就正，純hip-hop我麻麻，djent亦唔係特別鍾意，但「djent-hop」我受。
Dream Theater玩完，Queensryche玩緊，Slayer剛剛開始玩，Bon Jovi都唔執輸玩埋內鬨一份。舊band好多時玩左十幾廿年仲可以堅持繼續，或者收皮十幾廿年後復出，好大原因都係因為＄＄＄＄，但到頭來不歡而散或重聚後再散，亦因為＄＄＄＄。
是咁的，大家都知道劉Sir有一頭長長秀髮，而家長度係得閒無事會俾屎忽夾住。去德國時分享過，因為鬼佬有時唔多識認亞洲人樣，所以有時入錯女廁可以安然全身而退，但入男廁就可以失驚無神嚇親屙緊尿的麻甩鬼佬甲乙丙。不過呢條橋香港行唔通，今日有次發緊夢入錯左女廁，好在當時入面冇人得個阿姐，個阿姐立即尖叫（好在出面冇人聽到），立即灑lum「唔好意思留左長頭髮之後成日唔記得自己唔係女人。」跟住入隔籬男廁，得我同個阿叔，尿兜屙緊尿時，個阿叔匿埋側邊牆角鬼鬼鼠鼠突個頭出黎裝裝下，好似唔信我係男人黎。搞到而家出街唔敢亂咁去廁所。
嘩好耐未上過HA睇show喇，記憶中今年第一次上黎（嘩對上一次有冇半年前），仲要好上唔上揀正做展覽一排上半年最忙日子先上，我承認雖然Ken South Rock已經好正冇得唔睇，但唔係有怒人都未必咁神心一放工立即灣仔飛過黎，大佬擺fair好支力仲要一放工立即成個飲樣噉趕車過黎睇完第二朝又要晨咁早起身過海好辛苦架。
今晚個台擺得幾有趣套鼓打直放左邊，因為要就返兩隊外賓。居然會由AAW打頭陣，日本仔歌佬加鬼仔鼓佬noise rock duo，套鼓放埋邊就係俾歌佬有成個場發癲，玩keyboard仔行雷聲澎澎澎是過癮的（但玩得太少），同鼓佬用splash同cymbal代替兩個tom夠特別一roll有點電氣感，其實nu-metal band出碟鍾意最尾一首歌要玩到得好實驗迷迷離離，我覺得就係想做呢種感覺，如果nu-metal唔係咁潮咁空洞而玩得出同一種氣氛，我都會鍾意。整體好有條理諗過度過唔係乜都亂咁黎，所以好睇除左最後一首，臨尾首歌長得黎又有點唔順，再加有點造作，之前都幾架喇其實但起碼多返少少說服力先。
場show叫「Ken South Rock x 怒人 x AAW」，以為排名只為順口，原來實際都係噉排，反而估唔到怒人會出第二仲以為排頭。作為今場噪音搖滾香港代表 － 論音樂論意識，而家的確冇幾多隊本地樂隊可以更貼切用「噪音」形容，好多可以玩到好嘈好爆，但唔係鳩黎又點稱得上噪音？睇過怒人幾次今場係最喪之一，雖然仍然只得一枝結他（自己唔彈都搵多個session幫幫拖啦），但台風搭救今晚超好睇，同套鼓放台邊可以近距離睇到Tim叔手鼓有幾猛，以前睇／聽開佢打Peri M都唔覺點犀利（老實佢出Peri M時drum solo都打到收收埋埋），估唔到一夾怒人立即變成另一個人。當然唔少得台下大量囡囡，怒人show玩得拍得住佢咁癲果班從來係妹妹仔，識得歌詞會一齊唱又夠放，今晚《神屌人》最尾怒神上身，有條女大嗌「屌你快撚ｄ啦！」笑到仆街。
同估唔到會玩返好舊的《守秩序》。其實怒人唔係只得EP同新出幾首，出第一隻碟前已經寫左好大堆歌，所以每場總有一兩首b-side，不過事實係EP前舊歌好多都唔算寫同編得好好，隻EP咁成功除左前無古人後無來者地喪，仲有寫歌真係進步左好多。只不過，都係未有《屌時代》，見今場有新bass佬，仲諗住會有新野聽。係咪要等到年中年底新碟release party先有得聽呀？
「條超緊身粉藍色牛仔褲加多對紅色波鞋，正面地講，係好鬼'80 metal十分old-school；事實就係，嘩屌都幾撚基！」
至於Ken South Rock．．．睇完非常明白點解會搵怒人揳中間AAW排第一，大家都係日本結佬歌佬加美國鼓佬玩noise rock，但完全兩個級數冇得比，當歌佬拎住枝木結他插成地effect拆聲拆到電結他咁恆再衝埋上套鼓度玩，發癲級數已經去到mathcore/noisecore境界，indie gig睇過幾年，冇邊隊喪得過Ken South Rock。歌又寫得好雖然玩亂始終以歌為本有紋有路有hook，同好明白choke的重要性，進而再多一份math味同「說服力」。如果兩隊性質咁似而排埋一齊前後出，AAW真係立即俾人比下去。
寫得有點求祈，因為展覽時期支力＆忙，記一記就算 － 其實寫咁多只為搵個理由貼今場怒人個setlist出黎嗟，屋企返工都多事忙真係冇乜時間專心寫野，怒人個訪問下集本身諗住復活節前出街，但新年返黎一直踩而家做fair，下星期Evocation出新碟又有怒人，睇埋先再算，我目標係五月前出到怒人訪問下集（到時應該就會話「暑假前」架喇）。或者應該整多個特集，去研究一下而家香港indie gig一個比柒十柒個柒不思議加埋更神奇的現象：點解每次有怒人出場，無論係咩gig，都一定會超級地多（靚）女蒲頭？乜而家中產除左鍾意飲咖啡同睇法國戲，仲興聽粗口歌咩？
靜左成年轉埋公司，謝安琪突然半個月內連出兩首新歌再度活躍，兩星期前三月底首國語新歌《I Have a Dream》，老實聽左只有更灰，如果要去台灣同大陸佢只有同陳珊妮同常石磊等前衛派合作先突到圍。好在跟住廣東新歌《最好的時刻》，雖然個格都幾而家謝安琪式大路 － 唔一定係差，正如《你們的幸福》pop到爆炸但曲編詞相當無敵，MastaMic都有rap啦流行無罪嘛pop得黎冇心冇料呃飯食呃蝦條先至係罪 － 有點重抬《K sus2》之氣氛同意識，佢始終都係適合唱呢種epic power ballad，雖然我更期待編曲同演譯可以再重張力／再浮誇多一點點，《K sus2》同《3/8》之後已經冇乜出現過以佢唱功同音域做賣點之「technical pop」曲目，可能爆肺之後真係灰爆冇計而家《後窗知己》都好少唱啦。如果今年兩邊都出碟，國語碟就算啦純粹為支持而支持，但廣東碟希望起碼及得上《你們的幸福》，話晒今年又應該話新特首上任第一個半年，已經夠題材創作幾隻碟，唔會冇野寫。
可惜由今次新歌發佈方式睇到，即使謝安琪今年音樂可以回勇甚至超過以前，都好難再達《囍帖街》時之聲勢，雖然當時都只係羊群入市式煲出黎全屬虛火，老實我完全唔覺得香港普羅大眾會鍾意謝安琪係因為佢音樂。之前講過而家會真心欣賞謝安琪一班歌迷唔係來自香港而係大陸廣東地區，唱住香港本土精神但大多數本地人基本上已經當佢死左，所以今次一首唱緊近半年香港街頭抗戰之廣東新歌，唔係經任何本地電台或唱片公司記招或Youtube公開，而係大陸KKbox，實在非常諷刺。亦反映左一個現實：四大同英皇之外，真係冇幾多間香港唱片公司有錢做同識得做宣傳，而當佢本身歌路香港人已經唔係好受時，冇左當年《囍帖街》種銀彈攻勢支援，今隻碟分分鐘仲無聲無息過《你們的幸福》，雖然你寧願佢回到indie，都好過繼續留環球然後同成班傻仔一齊唱《難忘時刻》之類戇鳩歌，睇佢走左之後環球所作所為，分分鐘連《最好的時刻》都「太敏感」唔出得街。
難怪而家連廣東新歌都要先益大陸人，同一出新歌就粵語國語雙管齊下舖定放棄本地市場後路。又要借MastaMic一句：Rest in peace, Hong Kong。
兩日內由電線壞到去電掣，我諗冇幾多人夠我咁黑。前晚雷電交加，突然間上唔到網，有線隻modem盞online燈冇著到即係收唔到訊號，頂自從交晒月費之後i-cable成日都有問題，都唔知今次係光纖定機樓俾雷劈親，駁黎駁去發現原來中招唔止係modem仲有屋企條lan線，平時已經神神地而家一壞就話壞，仲要係行緊雷時壞真係夠晒戲劇性，搞到成晚屋企可以Wifi上網但用唔到lan型到爆。
第二朝返到公司，你聽過USB線都會壞未？我就遇到，又係用緊時無端白事自己斷左訊號。老實我真係成世日都冇諗過USB線都可以壞，而當USB線本身咁襟用都死得，電掣都會死完全唔出奇丫。今朝起身冇耐之後，突然全間屋冇晒電，開電箱整幾次掣都開唔返，然後見到門口外面個緊急照明燈箱著左就知大鑊了。打去機電署同中電又冇人講到咩事，落街兜個圈發現成條街都死左，不過問問先知原來本身只係屋企對面條屋村停電 － 點解會揀回南天日子晏晝一點至七點停電咁戇居？唔使開風扇開冷氣都要食飯做生意啦下嘩！正常就唔關我屋企排唐樓事，但整電班友好順手地一熄就熄晒全條街電掣殃及池魚，剛剛搵到屋企樓下有架中電車立即搵師傅傾傾，佢地立即開街口電箱睇點樣駁返電俾我地班無辜受害者先。本來冇諗住咁快搞得掂，打算出去睇返一場甚至兩場戲（《白官淪陷》仲未睇雖然應該已經落左，同對《同謀》有點興趣），換晒衫著晒鞋臨出門口屋企就有返電，個人立即懶返晒食個靚飯之後訓足六個鐘。
一日一壇，聽日唔知又會發生咩事呢，死聽日仲會去中環睇SIU2新碟release party，唔會邪到人地地方又斷電show都開唔到卦，哈。
其實今晚414 SIU2《聲遊者》發佈會，都唔使點樣寫，因為有關音樂半年前「超聲速漫遊」都講晒，實質有點兒中伏，因為冇諗到性質近座談會多過音樂會，心諗最少都會玩晒成隻新碟嘛，點知一個鐘講多過彈，搞到最後主持姐姐問有咩想問，真係好想搶枝咪大嗌
「下今晚乜玩得咁少歌？新碟主題曲都唔玩？？唔Ｘ係卦？？？」
而聽碟同現場感覺，差左一截，或者因為新碟如所言遲左半年出，而對《聲遊者》曲目最先認識係上場音樂會，當晚演出實在太爆音樂音量都係，聽慣重口味自然非常滿意，但CD版始終唔會即興同mix得好有爆炸力，當伍Sir都提到有觀眾反映前兩隻碟已經「太嘈」，明白好多野只可以留待現場盡情抒發。一向覺得第一隻碟問題在於太隨意，進展到而家第三隻碟，比從前少左份fusion/jam感覺而更以歌為本，每首歌採一國風情配合專輯概念，今次以旅遊作為創作主題或者可視為一張概念專輯，我自己幾鍾意呢種音樂同構思路向，希望下一隻碟會再有新玩意繼續發癲，畢竟，SIU2可能係而家香港碩果僅存之progressive rock band。
雖然琴晚《聲遊者》「release party」講多過彈玩得幾首歌中左伏，但最大收獲係買到第一代SIU隻碟。跨代成員只有大佬賢少同bass細威，不過風格同SIU2第一隻碟一致，我覺得比即興意味甚／太重的《開門》好，音樂同錄音都係。最正當然係細威啦，SIU1隻碟同SIU2頭兩隻一大賣點就係bass，而第一代鼓手同佢配合得多，比二代時有更多火花。
望望隻碟，原來2005年出已經差唔多十年前，網站仲要係用已經R.I.P.的Geocities，真係究極地old-school。
近排世界經濟混亂令bitcoin幾日內以超過100%波幅上落，立即成為新一個熱門話題，唔知咩黎的話，可以睇睇呢集冇幾耐之前明珠台播的《The Good Wife》解釋。故事提到美國政府覺得bitcoin作為一種不受監管虛擬貨幣，對現今經濟體系有負面影響所以想拘捕創始人，形成律師行鬥政府機構局面，呢一集2012年頭首播，而bitcoin 2009年出現、2011年開始流通，換言之當bitcoin初成型編劇已經立即將佢變成題材，相當前衛。
所以點解香港電視劇（而家基本上即係講緊無記劇）近十幾年一直廢到無可再廢？正因缺乏呢種宏觀同遠觀視野。又或者話當劇中人由用Nokia電話變成iPhone（而家係Samsung，收左錢嘛）已經叫與時並進跟足潮流，製作組根本冇諗過（需）要發掘呢類新題材。當拎部電話出黎打Whatsapp睇果班已經覺得好新奇時，講bitcoin？師奶睇得明咩？
出事之後，今日返工搭小巴，電台已經不斷播呢首歌。其實《Let Me Find Love》係佢兩隻碟之中最差果首完全唔夾佢風格，好遺憾已經成為人生最後一首派台歌。講到新歌手佢絕對係最唱得最有潛質三甲之內，可惜而家甚至以後大家對佢印象除左《Let Me Find Love》，就只餘三年前出道之後2011、12、13三年都拎到新人獎，唱到死都仲／只係新人。
只有說，好人通常早走。
R.I.P., Sita.
李卓庭首新歌《養分》相當不錯，雖然仍然有佢rock歌普遍毛豬，就係創作者刻意模仿外國樂隊手段太明顯，但以歌論歌非常唔錯，形象同音樂都回來了 － 老實之前紫短毛／金短毛實在相當潮童格。
假如今年佢有機會再出新碟，會係謝安琪新廣東大碟之外全年我最期待之一。
上星期做fair時上Hidden Agenda睇Ken South Rock，先問起好耐未上過HA，對上一次係幾時？過左個禮拜今晚又會上去睇Evocation release party（well，一半原因係為怒人），剛剛做完fair執相摷到，原來再上次上去已經係四個幾月前上年尾三一日睇黑色祈禱，當日晏晝出灣仔藝術中心睇《打轉教室》，完場經天橋去搭巴士出觀塘時，影左呢張相。
個阿叔之前都見過，抬部amp上灣仔地鐵站出口上蓋天橋電梯口，插枝電結他戴個無線咪自彈自唱，呢日經過撞到有個鬼婆企佢正側邊聽佢唱歌，而且呢位唯一觀眾聽得非常之開心。好多時香港街頭賣藝，正正經經彈樂器唱歌唔係玩晒花式雜技果種，自己地方人係唔會欣賞，反而外國人會受肯停低睇甚至同你交流，唔一定因為你玩得好（老實多數只算普通，業餘水準要求唔好咁高），而係享受街頭文化同藝術，行色匆匆的香港人好難明白，所以我未見過有香港人會停低欣賞，包括我。另一重點係即使冇人理，個阿伯仍然表演得好落力，同掛左個細紙牌寫住
「請支持被打壓得幾近絕跡的街頭演藝！Street performing: give us hands please!」
呢樣，就要支持。記唔記得之前有人去銅鑼灣街頭唱《年少無知》，俾差佬以「行乞罪」趕走？This city is dying，而街頭藝術一死，工廈亦不會差太遠。
「話時話，好多年前中秋節玩落難街頭，朝早五點幾旺角新之城門口唱《海闊天空》，唱到有個鬼婆俾左五蚊我跟住俾差佬趕，我都算係香港街頭演藝一份子架，騎騎∼」
同我一樣曾經係亞視fans的朋友，留意聽日22/4星期一開始，歲月留聲台重播一大經典《南海十三郎》，有陳啟泰仲有當時亞視最強男星林韋辰，細個時當佢偶像咁滯，靚仔又識做戲，識打功夫又係花式搖搖專家，食埋呂晶晶簡直係人生一大成就，之後呂晶晶唔要佢跟盛品儒我都覺得好灰，仲灰過見到應該一早紅得過陳啟泰的林韋辰而家只有得做亞視大小節目主持一年見得幾次。
套劇唔係我睇開懸疑破案打打殺殺戲路，但以前睇都覺得好正，所以今次重播諗住同《天與地》一樣由頭追到尾。有冇人記得最出名一幕、林韋辰／江譽鏐同陳啟泰／唐滌生兩個人一take過一唱一和對足兩個字，係邊集出？
套劇夜晚9點播，唔使擔心唔得閒錯過左冇得睇，因為仲有朝早7點、朝早10點、晏晝2點同深夜1:30四次重播 － 一集劇一日內可以播五次，乜亞視真係冇貨到噉咩。不過我覺得仲好夜晚通常係全家爭電視或者出街睇戲睇show時間，所以我打算為林韋辰改變生活習慣，每朝六點幾起身睇七點場，睇完落茶記食埋個早餐先至施施然返工。係衰在屋企附近茶記冇電視咋，如果唔係直頭落去叫老細轉亞視俾我食住睇。
「喂，幾時到《我和僵屍有個約會》輪迴播呀？」
20/4晚相當重要。難得的年度metal大show，好睇到要打人，同今場咁多隊band都唔錯，睇得出香港metal band由之前幾年一直模仿外國練技術階段，進步到搵到自己聲音同性格之成型期，怒人唔使講啦，Evocation（終於）擁抱中華文化其實一早應該幾娘都係噉話，因為香港band成在國際性敗也在國際性只顧西化卻忘根，你玩得好但同人地一模一樣又點突出甚至點競爭呢，無論你嫌大陸幾老土始終中國歷史同藝術本身己有大量足以突顯地方同血統特色之取材可用，新碟風格未必個個鍾意，但對我黎講無論係好定唔好（我受），最起碼成功在而家你會認得到佢地。只希望可以玩更多五聲。
講一大輪，其實都唔係想講場show。係好睇到要打人又抵睇仲有怒人（不過Ken South Rock果場好睇好多）（同，佢地實際上都幾唔夾全場，哈），但Evocation睇左一半就走人趕返屋企，因為更重要係同一晚首播革新版《勁歌金曲》。《勁歌金曲》自從變左半個獎門人本身可以不理，但有謝安琪上去唱廣東新歌，兩樣都好耐未出現過，同有謝安琪就大晒架啦，好緊要架大佬。根本無記一早已經放棄《勁歌金曲》，睇連年度大事頒獎禮都取消就知冇當過音樂節目係咩一回事，死要吊住條命都係為應酬幾間大本地唱片公司嗟，大佬要搵廣告收錢架嘛搞綜藝節目要搵歌手上去表演玩遊戲撐場架嘛，真係一個林峰由頭頂到落尾咩 － 而且，林峰都係英皇啦，起碼要為一間英皇繼續燒錢做呢個節目。所以近兩星期見到無記大大聲話要改革覺得幾出奇，雖然話而家同之前反晒檯的四大關係好返少少（少少咋），所以連個節目停過一排都搬返出黎，仍唔見得有咩值得搞咁多色水去改變一個名存實亡又冇錢賺的節目。以前都做過一個鐘頭版，但正台只播半個鐘要唔知高清定收費台先有得睇全個鐘足本，所以唔知有咩分別，不過相信只係播多幾個MV dum波鐘，今次會搵鄭丹瑞做主持仲變到好似Music Nation噉搵歌手同業內人士上去清談，終於唔係白白痴痴玩遊戲，就有興趣睇睇了。
第一集已經有點新意，搵左三個唱片公司大佬加林欣彤＆Hot Linda BB同一個男歌手（明顯因為係仔所以我唔會記得叫咩名）講講經理人系統，都幾失望因為講得唔太深入，掟個題目出黎之後好多時主持同三個經理人大家傾，傾傾下就會兜左去好遠而且大多數只談及表面，歌手嘉賓又只得好少發言機會，結果冇乜帶到出黎，而我最想知係本地最另類主流唱片公司蜂鳥音樂內部運作，但當重點落在另外兩間大公司時佢發言時間太少。自從無記開J2搞高清台之後清談節目成為自製節目主線，成本低又易搞嘛合乎晒而家無線／樂易玲提倡的經濟效益，只係作為新開始已經衰左個頭，單以清談節目計都幾悶內容又未夠水準，之後發展相信亦難，唔通香港地你搵歌手上黎講音樂？就算班歌手識講觀眾都唔會（識）睇。真係要好睇同談得有意思唔該尖銳少少，好似請幾個製作人上去，劈頭就問雷頒德「點解你咁鍾意抄歌？」先至有意思。不過，無線夠薑咩？
而叫得《勁歌金曲》又點可以冇勁歌金曲呢，不過以一個音樂節目黎講，革新後歌唱所佔部份反而意外地少。頭三節每節只一位歌手出場唱一首歌，好是比唱足成首唔會縮短，壞是，喂，我單為睇吹水咩，真係想聽聽歌架。兩個男歌手唱就算啦而家香港冇幾多男歌手唱得好，唔使一面唱一面吊住吊住就黎斷氣已經好難得（今晚兩個都唔合格），當然我只會關心謝安琪，雖然一樣唔多夠氣但首新歌《最好的時刻》live叫唔差我收貨，始終而家佢唔係演唱會時期都唔會維持到最佳狀態，而最迷惘係開頭以為佢有份加入一齊傾，點知唱完就冇，講到經理人、唱片公司同藝人三者關係，居然唔搵佢同佢經理人公司講講？單佢點解之前同環球搞到咁僵、點解咁耐未上過無線，已經多野講到一集都講唔晒，再證明對於呢個新清談版《勁歌金曲》，真係唔好抱太大期望。而搵食工具勁歌金榜梗係唔會取消啦，呢樣野就同舊時一樣冇變到，就係邊個歌手有份做嘉賓而且最多野講，基本上榜首冠軍歌一定係佢拎，正如今晚就係林欣彤。希望只係巧合，因為呢條屎橋真係睇到悶，同埋而家報榜有兩個唔知叫勁歌baby定金曲天使的東西，嘩屌真係好唔掂囉彈鐘唔該。
對於無線再次認真對待音樂節目滿懷希望，只係以前唔係未試過發生同類情況同樣期待過，而結果往往都係失望而回。不過或者早已應該沒期待，睇今次復活版最革新唔係變到似Music Nation講音樂多過唱，而係講到點樣改變點樣重振聲威但最變革係搬到去禮拜六晚十二點三播，就知道無線實質上都係冇心去做好個節目，係有信心有心機做好，又點會放逐個節目去個根本冇人會睇的時間播？執柒左佢啦。
乜而家街頭賣公仔班聾啞人士做埋洗樓咩，今日有個上到公司，擺低將紙寫住叫你捐三十蚊買舊野，公司冇人理先肯走，仲要走之餘叫你還埋張紙連張紙仔都唔蝕俾你。
點解佢地仲未明白，噉樣叫人「捐錢」，先至最少人會捐？
同我記得之前真正聾啞人士協會有出過聲明，話佢地從來唔會街頭或上樓賣物。
有乜野metal得過隊band巡迴緊時有個成員病死，佢老婆決定繼承遺志代佢表演，令個tour可以繼續落去？