唔講你知的話，可能你都估唔到以上之Guitar & Amp皆為紙紮品。
呢支Fender就係二零零三年六月三十日Beyond送俾家駒之禮物。

呢支咁逼真之紙結他同紙Amp係已經差唔多四十幾年歷史之寶華紮作之作品。
不過作者當然唔係已經將近七十、紮紙紮左四十年之大師傅乾伯，
而係寶華紮作嫡傳弟子、乾伯之細仔阿志。

乾伯其他仔女都冇繼承紙紮呢門手藝，只有大一畢業之細仔肯接手做落去，
而志師傅亦係全香港唯一識得做「新派紙紮」之師傅。
就好似呢支Fender，老師傅都未必肯做，就算肯做都未必做到出黎。
志師傅就肯做呢樣野，你叫到的話，滑板車、遊戲機、跳舞氈呢ｄ佢都肯做，
最重要就係佢一定可以做到真既一樣，就好似呢支以假亂真之Fender同Amp。
所以就算紙紮業點樣衰落、點樣冇前途都好，志師傅一定要繼續做落去，
因為佢真係身懷絕技：全香港得佢一個識做，佢唔做就真係空前絕後架喇。

另外有樣野一定要澄清：
亞視曾經訪問過一個紙紮師傅，
當其時佢地話果位三十幾歲之紙紮師傅係全香港最年輕之紙紮師傅。
錯！一定唔係！
全港最年輕之紙紮師傅一定係行年未夠三十之志師傅！
而且無論係藝術角度定文化角度，志師傅一定更值得受重視！
佢根本就係香港其中一件文化遺產！
可以的話，我一定要叫張導演黎寶華做個專訪，
講返俾大家知紙紮業仲有希望、仲有存在之價值同意義！