其實麥記真係平得黎好食的正包，只有早餐搵得到，好似之前的雙層豬柳蛋，如果擺晏晝或者晚飯時段賣，我實日日幫襯你（梗唔得啦，午市晚市唔用四十幾蚊個餐又少又唔好食明搵笨果堆整色整水新包呃你，點賺到盡呀？）。今期行過先知出左煙肉豬柳蛋，唔係以前出過豬柳蛋加煙肉蛋合璧果隻，煙肉蛋塊煙肉放落豬柳蛋份量唔夠味又俾人搶晒，食完都唔知原來多左塊煙肉，新包係一條條炸煙肉夾落豬柳蛋，真係好好食諗番起去歐洲時朝朝早落酒店餐廳自助早餐怒食新鮮炸煙肉炒蛋的開心時光，價錢唔算貴叫餐先廿頭，繼大班再開咪之後，又一個需要早睡早起的理由。