今日返工經過個公園，見到外面綁左隻狗，一睇就知靚野啦柴犬喎，照計冇理由有人會唔養就噉掟出街，不過好鬼惡一行埋去就撲埋黎隻手俾佢噬左幾啖好在冇留血，公園管理員當然多一事不如少一事啦問佢都廢鬼事答你，又趕緊返工＆廢事俾隻野繼續噬，就走左了。

返到大角咀，見到有隻好細好細隻貓仔匿左落架車底，想走出黎又驚人唔敢出，個司機又唔知去左邊，我又趕緊路，就只有希望開車之前隻貓走得甩。市民唔多理，而家仲要咁多變態佬黐線MK，政府更加希望早日死晒最好，流落香港街頭的貓狗真係好慘情。

而邊個話政治只關人事？唔好唔記得之前未發生咁多虐待流浪動物案、香港人對街頭同家養動物態度冇而家咁正面時，係民建聯先成功爭取捉左兩隻流浪狗送去人道毀滅，再記憶中有份同其他土共左仔一齊推翻左個幫助流浪動物草案，到之後開始多人關心、發生左幾單案件，成班捉貓捉狗聯盟突然間好愛護動物，愛到成為自己本身包括「捕捉流浪動物」的政綱其中一部份。無恥到連流浪貓狗都受誅連之餘再可以抽水做自己政治本錢，禮義廉都算宇宙無雙了。