今年個黑椒漢堡食得我好鬼開心，而呢兩個月尖沙咀中港城果頭返工次次食飯都要行兩三個字又貴到死，唔想行餐死仲要四五十蚊餐晏，最就腳加最經濟就只得樓下中港碼頭麥記。入到去立即屌晒鬼，因為我同同事都係超級黑椒漢堡fans，本來諗住挑戰連食兩個珍寶黑椒漢堡，點知黎到至發現唔見左變成唔知咩韓式飯，好在有個意外驚喜，就係失蹤多時的粟米批重現江湖。其實非常好食，最鍾意用黎點薯條，隊條薯條入去撩幾撩再拎返出黎食真係人間極品，就係唔知點仲難遇過二百年一遇大雨，今年居然有得食肯定仲癲過黑椒漢堡果陣，lunch食完買定個返上公司做下午茶，夜晚放工買返個返屋企做飯後甜品，九點半之前落多次樓買多幾個，食住睇「期待再期待」之《我和殭屍有個約會2》，睇完未夠咩唔緊要我屋企樓下間麥記開通宵，落樓整多個做宵夜囉。梗要食到咁癲啦，好似話做兩個星期咋，過左五月頭又唔知要等多幾多年至有得再食架喇。