今晚「屌出生天牙刷騷」rehearsal，雖然怒人堆歌已經聽過無限次正宗聽到識背，不過叫我立即唱又未至於100%背得晒出黎，你試下就知架喇其實怒人歌詞好蹺口好陰濕架。特登印左成疊歌詞方便搭車時記，不過字較到好鬼大粒成日嚇親其他人，「嘩張紙寫咁多粗口條友黐撚線架！」所以後來唔敢拎出黎拎部電話睇歌詞算，仲要將字縮到仲細過報紙字size驚死俾人望到，不過因為經常記下記下就會順口地唱左出黎，搞到次次搭車都係上車之後好快冇人敢坐／企我附近。