每週一相片大行動

2015 Week 12 Pie & Tart & Extra




其實過嚟aPM返工之前,我從來未食過Pie & Tart,因為舊時「五六蚊大大個麵包,叫我十蚊食個撻?唔係啩?」估唔到而家係日日都Pie & Tart度日,繼KFC之後又一間食到唔想食。


初時仲有時間落街食飯,lunch會走去出外食飯堂食茶記;跟住開始忙,慳時間,落樓一出電梯轉幾個彎嘅KFC算;再跟住已經係朝九晚九噉做返到屋企仲要繼續做,就朝早落車買定晒,一個餐由朝食到尾。揀Pie & Tart貪佢買完唔怕擺到凍幾時食都得,通常都係買四個撻,早餐lunch各食一兩個,(唔)好彩的話下午茶可能仲有一個食,亦試過四個撻食到食晚飯都仲有得食。其實衰唔晒,的確幾好食貴得有點道理,而且而家食佢反而係食得最平,四十零蚊四個撻食到最少兩餐,而家觀塘求祈一間茶記,隨便食個碟頭飯已經差唔多呢個價啦。


我諗直到個project下星期中正式交第一期貨之後,我先可以返工嘅日子晏晝正正經經食餐晏晝飯,而經過日日返工都係食批食撻的半個月,離開aPM之後,呢世人應該都唔會再幫襯Pie & Tart,雖然真係幾好食。


因為落親場嘅日子都係食撻,食足兩個星期,個客話我而家食到成個撻樣噉。好在我唔係食撚。




每週一相片大行動.綱要




Sir個網

lau-sir.com


Sirblog

http://lausirisual.blogspot.hk