齋睇個面，隻辣椒妖魔係幾惡喎！
留意右下角果句：
「 無 敵 地 辣 ！ 」
呢句野加埋桃哈多出品，必屬佳品喇卦！
拎轉後面，隻辣椒妖魔醒多個暴言甲子園，
講乜春我當然唔Ｑ知啦識鬼日文咩，我只識睇個價錢牌，
「十蚊！一包仔薯圈都成十蚊！
日本ｄ零食真係呃錢到爆！」
睇落幾型，噉食落去又點呢？無敵地辣，到底係辣到咩境界？？？
「喂！噉即係點呀？」
「咪就係噉囉！即係冇野囉！」
呢ｄ零食調味當然係靠味精，但呢個暴君薯圈，
講辣ｄ粉又唔係辣，講多又落得唔夠多粉，
入口完全唔覺點辣，更完全感受唔到果種無敵法！
「唉！早知唔食，食完立即灰到爆！」
「暴君大，薯圈小！」