其實呢．．．王梓軒係藝發局主席王英偉個仔，加王英偉借藝發局勢力用政府錢捧自己個仔．．．唔係四年前佢一出道出第一隻碟時已經揚晒呢咩．．．唔係老豆咁把炮，又點會一出道立即同完香港中樂團合作完又同西樂團玩多次，然後出左四隻碟隻隻都差唔多冇人買，都可以使大大舊錢去會展開演唱會咁威水呀．．．成功需父幹呀．．．本來單野冇乜人理（對一個出道四年歌手黎講，咁大單新聞都冇人關注，被無視程度直迫亞視，唔知算好事定壞事），今舖無端端俾人翻炒出黎王道中落，真係要多謝晒個自己完全唔明香港文化又要「因為我唔明所以你垃圾」而插代表香港文代的《低俗喜劇》個北京妹（當然，藝發局居然噉都可以頒個唔知咩藝術大獎俾五皮獎金即係價值100,000個五毛帖咁多錢佢，自己搵鳩黎戇是更大原因）
利申：雖然好多人唔妥佢，王梓軒音樂我覺得唔錯架．．．
其實唔明，唔係窮但又有份交稅即係俗稱中產甚至夾心階層的朋友（包括你我），點解而家仲會對預算案有任何期望，因為政府對中產態度一早已經係理西你感受。其實由曾俊華渣fit開始，同民生有關德政，年年都得例牌三招：綜援出雙糧，公屋免唔知幾多個月租，同退唔知幾多（通常都係少少）稅。頭者大家永世唔會獲益得到，第二者機會大少少話晒我成世仔識咁多朋友當中過半係屋村仔女（港英政府起公屋養活左我地今代，而特區政府唔肯為我地下一代起公屋，前面講左乜野，自己參透下啦），而最後退稅，真係只好過托柒少少。今年好似話退稅一萬，老實我出黎做野咁多年交最多稅果年都只係差唔多一千，根本用唔盡退稅額，而且年年退到我唔使交稅都冇用啦，頂盡先千幾二千，拎綜援住公屋果班本身唔使交稅之餘再現兜兜幾千現金袋落袋。你話邊樣實際？
而且唔好唔記得，好多「窮人」實際上唔係真係窮，詳見因為公屋租平所以唔使每個月為層樓俾八九千蚊真正做到每月儲到錢的公屋富戶（唔知幾時開始，生活在香港地，連儲蓄都變成好很奢侈的一回事），同一落香港立即有公屋住有綜援拎唔使打工所謂做野就係一日到黑對住記者講「黎到香港俾人歧視好慘」的大陸人。加綜援同公屋免租佢地直接有著數之餘，而家仲多樣關愛基金。提一提香港會有關愛基金呢回事，係前年政府提出香港居民可以拎$6,000，跟住大陸人／新移民屌「歧視」，政府就巧立明目整左呢個以公帑補貼大陸人的偽慈善基金／檯底福利制度。而當香港政府唔派錢俾住夠七年三粒星香港居民時，每年預算案政府仍然會百幾幾百億噉掟落關愛基金，然後關愛基金仍然會繼續派錢俾大陸人俾新移民，到頭來非本地人福利仲好過本地人。做窮人做新移民做得仲威過本土居民，我諗全世界唯香港獨有。
所以當政府根本唔會有任何長遠政策去改善現況（睇咁多年預算案都係上面幾招例牌、近半年搞咁多野樓價都仲有得大升就知啦），我係支持派現金多過退稅，我唔交稅／所謂退稅筆錢，咪又係俾人拎左去益大陸人？仲未講年年都蝕到仆街賺到又唔夠俾經紀手續費的強積金喎。
與其做香港人做得咁柒，不如我地走上大陸住之後扮新移民返落黎香港算數啦，到時生活更輕鬆更愉快。
屋企樓下見到。大鑊，繼禮義廉街站同旗海之後，相信害港力都好快會打到黎我們土瓜灣這個與世無爭的寧靜社區。
放完新年假返黎，公司附近幫襯開又平又抵食間魚蛋檔，好多野都加左成蚊價，煎釀三寶$5四舊得返三舊，好貴，好灰，點解我唔係中產？
（係喎，醒起屋企有隻強國製法國版《伊波拉病毒》典藏DVD，等我今晚落Cafe de Coral買杯絲襪再過隔籬McCafe買包French Fries嘆住睇，睇完再聽多次Alcest全線，培養一下中產生活態度至得）
11am-2:30pm之間午市時段幫襯茶記，總有弔跪／總要屌鬼。落茶記最鍾意就係食公仔麵，食得公仔麵就冇可能散叫總會叫餐，而唔屬於中產的香港人都知道一般茶記分三種麵餐：平得黎大份的早餐；緊接早餐賣到收舖甚至賣足全日，價錢貴過早餐但係基本上只得個麵加杯野飲的午餐；同賣下午茶時段，午餐價位加早餐份量的茶餐。新年之後屋企對面間屋村地舖茶記午餐同茶餐加到$25（早餐都唔好得幾多喇，只係平一兩蚊），每次去食，坐我最鍾意的門口吹風位，對住舖面賣麵包個玻璃櫃兩張巨型餐牌，一面食一面覺得好鬼唔抵，午市叫午餐食個單送麵加腿蛋仲要少過早餐一塊包收$25，遲少少先食買個茶餐都係兩條半但俾多個豬扒薯條即係多半份下午茶餐。鑊鑊都好很無奈。但又好難次次都忍到兩點（半）先食嘛。
你可以話，又要食又要屌，不如直頭俾多五六蚊食個飯餐好過啦。但我落茶記尤其堂食，始終鍾意食麵餐。咪搞到噉囉。
睇左《從《抗日奇俠》透視國產劇的妄想》篇文，所以上Youtube望望呢套新一代共產神劇，嘩，屌，cult過塔倫天奴，笑到我。唔知邊位愛國人士將全部集數upload晒上Youtube，見無聊隨便睇左少少，老實以國產劇製作黎講，《抗日奇俠》製作水準其實好高，攝影、CG同動作設計都可以列入一線，導演話套劇三十五集拍左五千萬，我居然會相信入面冇乜貪污成份，雖然又係噉爆炸又「美國後期製作」（咦，點解一套愛國劇集要勾結外國勢力唔用國貨？），用差唔多百五萬人民幣拍一集，其實都好撚誇張。
只可惜任你點樣高成本高技術，只要係大陸拍，出到黎就肯定變到柒晒：如果以相同投資同技術正正經經拍一套武俠片，例如重拍任何一本金庸名著，都可以成為新一套經典，就好似《三國演義》同《水滸傳》一樣，「嘩屌咁撚正唔買返套DVD珍藏唔得。」不過呢，而家大陸電視劇同電影入面，反派只可以係日本仔，或者國民黨，或者番鬼佬，統稱飛機。難怪大陸電影永世打唔到出外國。冇計，今期流行是「合理虛構讓真實歷史更動人」嘛。
屋企樓下間茶餐廳門口近日貼左張尋貓啟示。間餐廳開馬頭涌道同馬頭角道交界街角，洋葵樓樓下角落頭位，年幾前多左隻自來黑貓，最鍾意企門口做實Ｑ同生招牌，悶悶地會走去後面洋葵樓同馬頭角道政府合署中間條後巷摷野。點知隻黑貓養熟左之後，有日無端端唔見左，大家都唔知點解，呢度仍然係個未俾禮義廉未俾大陸人未俾害港力侵略的美好社區，照計唔會俾人捉左去做龍虎鳳，又唔似已經老到知道自己果頭近所以搵地方匿埋等過世。住馬頭圍村一帶的朋友可以留意一下。
就等我好藝術地評一評怒人首低俗新歌《屌時代》先，希望冇幾萬都可以呃返偽發局幾千蚊去飲法國咖啡。EP之後五首新歌都幾浮沉，《商業狗西》固然冇撚得頂啦，但《屌時代》係繼EP之後第一首第一次聽已經「嘩我屌你老母丫咁撚喪」之神級。相信冇幾多人唔同我一樣第一次聽會嚇親，因為之前一路係直衝hard rock metal punk到爆底，無端端黎首咁math而且math得黎有sense，slap bass加超old-school聲keyboard一撚流，轉變超級地大，而且真係寫到同時真係玩到，只唔太鍾意後半有幾個字個音唔夾主旋律都幾夾硬（但我承認夾硬填到唔係隻隻字都夾旋律音係怒人歌詞特色），埋尾斷得太突然，同後排屌眾mix得唔夠出。下星期六16/3 Music Trio到蒲吧搞場週年show，想睇睇怒人同新班底live點玩呢首。一味齋衝好快玩死自己，希望跟住都會繼續改變自己試唔同新野，繼續math同technical梗係更開心啦。
但怒歌重點始終在歌詞，音樂只是錦上添花。《屌時代》歌詞係怒人歷來最斯文（唱都係，突然間變左噉唱法真係嚇鬼死，不過正），亦可以話係最佳之一。雖然怒人出名在唱粗口歌，但其實粗口歌最忌係太多／太濫粗口，而應該要落得夠精夠絕加配合到整體，以前有部份歌如《香港鳩政》，我覺得做唔到呢一點。《屌時代》粗口密度都幾高但融入得到修辭同詞景，而且我諗應該再冇幾多首怒人歌可以聽得咁唏噓，我成日都話我地七尾八頭出世一班，係最後一代真正香港人，接受到未被污染之教育，屋村舊區充滿人情味，有付出就有收穫越肯搏賺得越多唔會俾老細當奉旨當奴隸，唔投機安份守己做工都可以安居樂業真正「獅子山下」，細路仔仲有童年，政府唔會賣港，蝗蟲未曾出現，差人仲係皇家香港警察唔係公安警犬，身為香港人會為「香港」兩個字充滿尊嚴同榮耀，可以分享舊文一篇，《窮一生為樓．為樓窮一生》。而家讀緊小學已經要去政總去遊行一代唔會明白舊時幾咁如意幾咁美滿，皆因官府愛民，同大家知足，正如而家你唔連自己份奶粉都賣埋俾大陸人會俾大陸同班港官屌「懶於賺錢」，但其實大家只求簡簡單單去做執屎都搵得夠錢應付衣食住行的生活而唔係發咩大達。所以《屌時代》感受好深，再夾埋如此慵懶唱法，實在聽到好撚無奈。
其實講咁多，都係想帶出兩樣野嗟：
1. 記得下星期六16/3晚蒲吧係Music Trio 年度表演 2013「To Be Continued」，有怒人，一舊水有得睇五隊band，抵啦，單睇怒人已經。
2. 上年年底做落個訪問，拖左幾個月，終於寫好．．．一半。好快就會出到街放心，俾時間我啦，放完新年假勁多會開又要上大陸，好撚忙呀屌你！
諗返，1) 原來好耐冇「認真地」幫襯KFC 2) 原來雞記好耐冇新雞上場。上一次已經係年頭個蜂蜜黑椒雞，當然主要因為個幾鬼AV的廣告啦口桀口桀（不過是好食的），跟住冇咩新意走返成日翻炒舊款當新貨條水。等左三個月終於有新野越南牛油雞 － 唔知係咪新總之我未見過就當係新野 － 又有藉口去食食。不過好難，唔係難食，而係難搵到黎食，你知香港地KFC執剩冇幾多間。
以而家指數同KFC價位黎講叫抵，$36有一大兜雜錦炸薯仔加一盒辣雞粒，最重要唔使食好鬼難食的蘑菇飯，而且食得飽，我覺得呢三十六蚊俾得值，而且我係去油麻地Murder King樓上間KFC食，唔知係咪人流都幾多所以去貨去得快，兩件雞夠熱又新鮮非常開心。不過個牛油雞少少失望，因為其實只係原味雞上面灑牛油粉，都好香好重牛油味而且因為新鮮熱辣所以好好食，只係初頭以為係成舊雞浸落牛油炸之類整法，點知只係落粉覺得有點取巧。
所以食到尾，都唔太明點解個收銀姐姐會俾隻匙我。我又以為牛油雞好似粟米，佢會俾盒牛油我自己搽上去，先至有隻匙。等我食果陣係噉搵盒牛油去左邊。
當你以為黑椒漢堡已經同食屎冇乜分別，麥記驚你嫌未夠一包還有一包屎，今次出埋咖哩漢堡，啡色一劈直頭係成舊屎塞落個包度似到十足十。劉Sir出晒名食得核突又唔劣唔食，又點會錯過丫，立即跟從多年傳統，拿拿臨落麥記食返個帝王版先啦。
其實我一直覺得咖哩漢堡呢樣野應該好耐之前已經出，因為麥記一早出新款出到技窮，差唔多五大洋七大洲多數人講得出個名的國家都俾佢地出過，既然黑椒賣左咁多年，點解賣點一樣係辣同樣衰的咖哩包而家先出呢？冇錯其實兩個包分別只在於汁同顏色，一隻係蘸黑色黑椒汁，一隻蘸啡色咖哩汁，再落洋蔥就搞掂。一向鍾意食咖哩，不過麥記隻汁好日式即係甜味為主，好重咖哩香味但唔多辣，我食晒成個三層帝王咖哩漢堡都冇諗過要飲返啖水，如果一心想食辣會好失望。
中間同2011年版黑椒漢堡一樣係落足三兩隻厚切牛肉，神奇地塊牛肉配黑椒汁時好唔掂，但今次同隻甜咖哩汁好鬼夾，初頭都驚唔掂想小佢點解唔用細牛柳，但食左一次之後，立即想再食多幾次。不過有幾個問題：食咖哩漢堡，真係好似食屎，特別開張紙時一定成劈汁漏出黎，跟住成手都係啡色一篤篤，樣衰到。同埋都幾貴，旺角食只買包，普通版要$17雙層版收$23 － 我屋企果邊好少少每樣平七毫子 － 即係砌個帝王版剛剛好齊頭四條。返去KFC食牛油雞好過。
熟悉劉Sir的朋友，唔難估到點解佢會買呢本點睇都係潮物的《100毛》。老實個名改得好差，只會令人／我諗起五毛，同今期流行的「五萬毛」。按官方解釋，「毛」即「Most」，即係「最」，即係咩呢，其實我都唔太清楚，簡單黎講全本雜誌由一百條「毛」組成，「毛」可以係一篇文，可以係幾句話，可以係幾粒字，可以係一幅畫一個公仔，真真正正俾條毛你，睇到第一百條毛（＆大量廣告）本雜誌就正式睇完了。一個我覺得好鬼造作但同時好鬼佩服的新穎gimmick，配合現今網絡大眾多圖少字短而精TL就DR寫作＆閱讀風格，順便可以將一切偷工減料合理化型格化，醒到爆炸。再加埋真係好靚好光鮮的美術同排版，同必須要睇見好似明又唔多明的書名，就連賣十蚊本但size算細又唔係厚都可以包裝成係「型」的一部份，一本潮流雜誌所有必須的成功元素，《100毛》通通齊晒。單牌面睇，我已經覺得呢本野有排玩。
毒撚從來唔買潮流雜誌，但會買《100毛》創刊號，除左出書果朝上大陸就豪十蚊執本上船消磨時間，當然啦講音樂的封面都係大原因，雖然係香港新一代歌手加我唔多鍾意果班，但起碼肯用音樂做專題而唔係任何潮人潮物已夠俾個理由我支持（而且，十蚊嗟，中伏都唔太傷）。主題係可能成為今代經典的幾位新歌手，講講佢地心目中的經典同抱負，文字同內容都高手級數，我唔太聽本地流行音樂都叫收貨，更期望可以用相同水平為本地獨立樂隊做專題（但唔好係叫班樂隊著潮衫潮鞋crossover做商品宣傳為主音樂只係隨便幾句果隻唔該）。跟住大堆「毛」其實好冷知識，例如中間講錢部份係幾過癮，不過咁飄忽冇乜焦點，鍾唔鍾意真係好睇有幾多條毛中到你喜好。而好在，唔太多毛講商品之類，最怕變成廣告雜誌 － 暫時未嗟，我相信總有一日會，此乃潮流雜誌的宿命。
個頭開得唔錯，可惜去到後半開始失控。另一潮流雜誌宿命就係為顯自己有內涵同文藝，必少不得大量好似好有態度、好似好感性、好賣弄文字的後現代式寫作，而《100毛》後半本就係搵一大班人每人俾條毛你，而毛呢家野新一代唔鍾意睇字嘛自然係短啦甚至只得公仔啦，結果一大堆毛各有各吹吹得又點到即止，唔一致冇方向又皮毛我只覺得好鬼死亂甚至唔知做乜。
越睇越熟口熟面，又或者話越覺得唔對路，後來發現，原來《100毛》搞手就係《黑紙》班底，而我從來唔鍾意《黑紙》，難怪去到後半睇得好辛苦再狂飛。你可以話《100毛》就係《黑紙》完成版，好係因為篇幅多左總有好文章拉上補下而具一定閱讀價值（再讚，今期封面專題製作得好，同美術好靚）；壞是，始終都係《黑紙》，總有果陣除。但睇返正正果陣除令到一張紙可以俾人捧到上天成為一本雜誌，我相信文青會好受《100毛》，從而長做長有。可惜我只是一條毒撚。
唔好意思實在太支力太不在狀態，怒人哥個訪問下集，睇黎下個星期先出到街。不過，反正劉Sir寫親乜野大家都係TL;DR架啦，直接睇／聽當晚劉Sir同怒人點樣鳩吹咪仲好。（技術所限張圖樣衰左少少，將就下啦起晒格咪有點8-bit的感覺囉，又好似睇緊三仔）
睇完個訪問，記得今個禮拜六16/3，夜晚蒲吧有得睇怒人呀。
蒲吧復活後第一次黎睇show，咁遲除左忙都因為懶，雖然屋企樓下已經有巴士直到來回都係一程巴士搞掂，始終過海對我呢個九龍人黎講係好鬼辛苦的一回事，仲要一程巴士成個鐘ＺＺＺ。 講到尾都係怒人先俾到我咁大動力今晚過黎嗟，今次個班底好勁結他佬聲夠實夠old school加啡到痴線，Tim叔手鼓又爽打得好精彩。怒人大佬今場狀態唔錯（不過去到最後三首已經有點扯住），但得一枝結他同冇和音現場聲底氣勢始終差左少少惡唔晒。觀眾又好玩台下唱得最開心果班係女黎，《神屌人》最尾又有人除衫上台同怒人一齊擺怒神上身pose勁好笑。有點失望係成隻EP應玩五首都玩晒，但新歌冇玩《屌時代》。好想睇呢首live版。（可能因為玩死bass佬，佢威脅寧願唔出show都唔肯練呢首，所以冇得睇）
錯過左唔緊要，身為潮州人我都係開show前先知原來四月Evocation出新碟＆（神奇地）有怒人做opening。仲有成個月時間，希望到時有《屌時代》睇啦。
（between，怒人訪問下集，等復活節檔期啦，成個三月都好鬼忙呀，未睇的朋友睇上集頂住先啦，懶睇字訪問最尾有兩part訪問錄音Youtube有晒）
（再between，ToNick新歌唔錯，因為音樂底好King Diamond，哈）
多謝麥記啦，佢今日幫我破左兩個紀錄。第一個係，今次應該是空前絕後地最早一次photoblog update，七點幾就出街。唔係麥記失驚冇神整個「全港早餐日」六點開始全港全部麥記每間免費派1,000個煙肉蛋漢堡，又點會咁早起身丫。真係好早，之前一日老豆睇報紙頭版見到個廣告已經話「嘩唔使錢聽朝一定要去拎！」今朝早五點幾就起身搞呢搞路俾佢嘈醒，點知原來佢五點幾係起身．．．睇波。搞到我都起左身，咪落街癲下囉。返大陸都冇咁早呀。
我5:50左右出門口，屋企位置正正係兩間麥記正中間，先去真善美村至寸樓地下間，5:55先得十幾廿人排。諗住冇乜競爭就去另一邊馬頭涌道果間先啦，行到過去6:05，就大鑊了條龍係由麥記入面排到出商場走廊再排到出面圍住間商場掟左兩個彎。阿婆力量果然強大難怪今朝連差佬都要出動啦，拿拿臨放棄走返去至寸樓，條隊都冇乜長過唔使排好耐，上面張相我係回程時7:15影，都只得三四十人嗟唔係好多，我六點二去排時隊尾先至係七仔門口，半個字搞掂。過癮在點解麥記姐姐會用份《爽報》夾住個包塞俾你？再睇睇今次搶包山活動英文名叫「National Breakfast Day」，咁政治（不）正確，莫非係肥佬黎贊助？係的話，拿肥佬黎呢舖我就撐你喇.jpg。
馬頭涌道可以放棄，好在我屋企佔盡地利正正九龍城隔籬，行多兩個字去太子道舖，6:25條龍唔算長keep住三四十人左右，又係排半個字就成功拎到第二個包，不過呢個時候個天已經光晒，條隊開始慢慢變長，晨完運耍完太極的阿伯阿婆們應該開始發力了，就去埋最後一站九龍城廣場。反而呢度最得意差唔多冇人，我排左一分鐘已經叫耐因為六點半呢個時間差唔多冇人過黎，好多拎完包走出去四圍同其他阿伯阿婆講「唔使排隊呀唔使急呀」，直入直出大家拎得好鬼開心。
因為屋企附近兩大條屋村大把阿伯阿婆，再加多四間小學兩間中學實搶到癲，諗住要排好耐隊，所以執晒包袱打算拎完包就出發返工，點知七點未夠已經唔止屋企樓下連九龍城兩間都排埋，而且其實本身唔太鍾意食煙肉蛋，所以冇乜動機好似班阿婆噉拎完一個再排過隊繼續拎，如果你係免費派豬柳蛋我就梗同你死過啦但煙肉蛋喎算啦過下口癮就算，就打道回府，留返俾阿伯阿婆同班學生哥學生妹慢慢爭啦。
亦因為噉多謝麥記令我創左第二個紀錄：劉Sir呢條仆街呢就出晒名好鬼不孝，不過今朝早拎到三個煙肉蛋，自己食左個仲有兩個，就拎返屋企一個俾老豆一個俾老母，嘩我都唔記得上次咁有孝道係幾多年前，你知啦時候仲咁早唔返屋企唔知有乜做嘛條街又熱，而且又唔係豬柳蛋你派豬柳蛋就話我三十個都同你拎同你食晒佢嗟，直頭返工途中土瓜灣九龍城太子旺角大角咀一路掃晒佢呀 － 挑原來講到尾始終都係一條仆街黎。即係佢老豆老母都好清楚呢樣野，所以見到劉Sir居然會咁早起身落街拎包上黎俾佢地，睇睇《爽報》頭條，再睇睇個包，好很驚：
「你．．．唔係想我地食飽先上路丫嘛？？？」
這就是麥記派包日，劉Sir老豆老母見到呢個不肖子居然會五點幾起身落街拎兩個免費煙肉蛋上黎孝敬佢地老人家，打開用黎包住個包份《爽報》見到之後以為食飽就要上路嚇鬼死個頭條。而家先知道原來地產商起親新樓／豪宅改名一定要十足戲名同online game名一樣咁on9係有苦衷，因為無論發生咩大件事只要前面加個霸氣四字詞立即扭轉氣勢，有時仲可以令住客走得體面：
「佢點樣出事架？」
「君臨！！！天下！！！ 我意思係跳樓」
走都走得多麼epic。難怪而家係唔係有錢人都要買豪宅。幾時有人起返棟陷家富貴呀，貴一貴我都買呀。
食完免費煙肉蛋《爽》完，不如講講靚女。好難得見到劉Sir講女架。琴日講麥記派包果朝《爽報》頭條，今日講講封底廣告。你未必叫得出佢個名Sabina Kwong，都會認得呢位靚女覺得熟口熟面，因為拍左幾年平面同電視廣告總會見過一二，One Day Acuvue個電視廣告應該算佢代表作 － 話時話Acuvue揀女真有一手。若數香港童顏系model，我覺得佢好難排唔到第一。
今期做花旗銀行妹（一講到銀行姐姐就會諗起旺角恆生，跟住就會講衰野，請阻止我），個廣告電視未睇過報紙更加第一次見，不過其實差唔多日日都睇到，因為每晚放工巴士經新之城入亞皆老街個彎位必塞一輪車，轉彎對角亦即旺角恆生附近（總要提住！）惠豐中心窗口超大LED螢幕會不停loop住花旗廣告，實最少睇到一次靚女同大家講去佢地銀行借錢唔使還咁滯搵花旗借貸生活無憂好鬼開心。所以放工同佢見一面已經成為返工日子的生活一部份，雖然因為個LED銀幕分開三層，搞到成日個樣出唔到街或者個頭斷開兩截，都幾灰。
冇咩特別，純粹日日放工見到又咁蹺報紙睇到就諗起，咪順便講講。不過要講呢，其實仲可以再講好多：雖然好多人對劉Sir認識只係一個憑「非一般切入點」而於兩岸三地間饒有江湖地位的獨立音樂評論人，同埋香港metal界最大謝安琪fans，但當你有洞察一切之視野就自然會對好多事有意無意認真研究一番，包括睇女講女。「靚模」呢個詞報紙雜誌未日講夜講時我已經有用，用黎形容班靚妹model；我可以半學術地同你講靚模歷史，由邊度開始、點樣漸成風氣、幾時正式成型（其實轉捩點係《美女廚房》第三集），直頭寫篇文投稿去八卦雜誌都得；就連model label都有約略研究過，可以同你講幾間常見模特兒公司各有咩特色；拎起報紙雜誌，講得出入面一半model叫咩名甚至而家簽緊邊間公司；蘋果「中環我最靚」可以話你知邊日係影素人邊日係影model，有幾個final boss係model黎，名梗知道啦。假如一開始追求唔係地下文化而係流行文化，劉Sir今日應該唔係一條窮撚metal友，而一早做左娛記搵食。
即係劉Sir呢條傻佬其實唔係只得metal同謝安琪，仲有好多野係你估佢唔到 － 咁容易估到你都唔會一直咁鍾意睇劉Sir吹水追足咁多年啦係咪先 － 或者有日會見到佢寫一劍浣春秋式AV影評都唔出奇。聽落巧威威，不過如此知識技能係屬於一條即將迎接第三十二年單身生活的窮空毒撚，其實係好撚可悲的一回事。
灰完，不過未完。繼「每週一唱片大行動」同「每週一相片大行動」之後，係咪要搞返個「每週一靚女大行動」專欄呢，口桀口桀∼要好似寫metal寫謝安琪一樣，閒閒地寫返幾百千幾字同你慢慢道來其實唔難，單Acuvue逐個講都可以講一排，因為之前品牌合作開間label Primo即係Elite的確係香港model界elite集中地，雖然我較愛Unique。但要寫的話都要有理由地去寫，而唔係得閒無事「嘩呢條女正呀」寫包膠一樣噉樣冇乜意思，所以等有機會同機遇先再分享，今日會講起Sabina，都係因為一個我最愛model都係花旗廣告出身，所以會心血來潮。（放心，劉Sir口味同音樂一樣都係情迷不知名獨立派，你唔會估得到係邊個架喇，估到第時「每週一靚女大行動」就冇野寫啦係咪先）
早幾日Dropkick Murphys出live時encore有條納粹punk仔搞到台上打晒交，就諗返起係喎其實我都有條佢地encore片，俾到個理由開始執一執返上年避年時堆相同片。
條片係Dropkick Murphys 2012年2/2巴黎L'Olympia演唱會encore，我當日朝早去買飛好在都買到個幾靚的上層看台位，而且黎呢度睇演唱會場地好多過癮，有機會再分享。佢地live真係high到仆街，臨尾一定要拉成班人上台玩，囡好多仲要玩到除衫，口桀口桀∼不過張SD卡太廢影左一陣就自己停機，將就下，搞成噉我仲灰過你。仲有條片係跟住果晚睇Dream Theater拍左Periphery《Jetpack Was Yes! 2.0》，聽日擺埋上黎，不過，又係拍到一半斷左．．．
2013年歐洲之旅都玩完，仲未出2012年相。冇計，實在太懶，希望2014年之前可以出到．．．
琴日出左2012/2/2 Dropkick Murphys巴黎演唱會encore片段，今日到2012/2/3 Dream Theater。有Periphery《Jetpack Was Yes! 2.0》不過又係張卡太廢中間斷片，搞到只拍到半首歌，好彩在影埋solo部機先罷工，我真係好鍾意呢段solo。老實佢地CD係唔錯但live麻麻，而且三枝結他玩出黎同兩枝冇乜分別，睇完有點失望。
全晚只影左呢半首歌，因為同香港非常唔同全場不設劃位先到先得，我早大半個鐘去已經排超長龍搶唔到靚位，又因為搞機票而遲左買飛，本來我係買貴飛坐台下架。而且入場要搜身，個實Ｑ相機俾過但唔俾鏡頭過（因為係「可投擲物體」同「玻璃製」喎），得枝短鏡又坐鬼死咁遠乜都影唔到啦。而且部機每影半個幾字就會自動停機，仲點叫我影Dream Theater呀，話晒佢地首首歌短極都兩個字咁滯？（不過影唔到Mike Mangini drum solo，係幾大遺憾的）
數碼通近來成為香港奸商界新一代百屌成材，因為佢地寄封信俾班「待如知己，無微不至」的尊貴顧客，如果收唔到回覆，就會假設尊貴顧客們希望數碼通繼續無限量向佢地賣廣告，同將佢地個人資料同其他宣傳公司分享。想話上兩個星期，其實我已經收到保誠同PCCW/網上行/NOW信講同一樣野，又係話你收到信但唔覆就當你自動批准佢地繼續亂賣廣告同賣你個人資料俾其他公司進行商業活動。保誠叫最有人性可以fax返去；PCCW都要你寄信，起碼佢有晒表格畀你填，雖然都係仆街。而最仆街，梗係佢可以用SMS同email通知你，但你一定要寄信去佢地先至（可能）會理，仲要連封信係點寫都唔講範本都冇個的數碼通啦，屌你老母。
好快銀行就會自己存返幾億入你戶口，然後send個SMS仔同你講「如果廿四個鐘內收唔到你書信回覆，就假設你接受我地呢筆高息貸款，即日起每日收你7%利息直至收到你書面通知唔要為止。」
琴日仲講緊香港各大奸商點樣「唔出聲當應承我亂賣你個人資料」屈你，今日已經有新野玩，新一代百屌成材係去慈善飯堂呃食物去開party的浸會莊友。從大商家到所謂未來棟樑所作所為，就睇到而家「香港精神」就係不問過程只問結果，總之搵得到錢搵到著數的方法就係好方法。噉咩野唔係好方法？睇班浸會仔咪知囉，拎到幾多贊助都冇用一通天立即收皮，所以搵／呃得多少唔緊要，只要唔會出事唔會俾人踢爆，就唔會係壞方法。
諗返我地以前細個八九十年代，雖然都係全世界顧住搵錢，但人心邊有而家咁賤？所以咁多人回歸之後尤其近幾年咁嚮往97前香港生活，唔難理解。而我，又係時候聽聽怒人《屌時代》。
繼續香港精神系列。其實有三樣野，我一直唔多明：
1. 每年睇《歡樂滿東華》，觀眾係噉打電話上去捐錢，但又會搵成班太平紳士之類上去，市民捐幾十蚊幾百蚊，太平紳士呢一捐就係幾十萬幾百萬，換言之佢地一個人一張超巨型支票已經等於幾百個甚至幾千個普通市民，中間仲要有「行政開支」，即係分分鐘有人自己呢頭捐完錢果頭袋返一截。噉其實真係籌款的話，叫班有錢佬自己圍埋捐都得啦，唔使咩行政費之餘又唔使另外拎錢借電視台搭景搵明星表演慳埋慳埋籌得仲多，點解仲要叫我地班蟻民俾錢睇班有錢佬走音唱歌跳老舞做show？
2. 又其實好多共派左仔都會搞空殼組織，求祈搵個名義呃（政府一定批的）撥款同得閒出黎賣旗「籌款」，例如今次俾人踢爆叫市民俾錢佢地推國民教育推到上報、同害港力一樣叫青年但成個會只得成班阿伯阿嬋個名仲要柒到爆炸的「香港青年動力協會」。眾所鳩知呢類組織點會冇錢，未問阿爺都有民建聯照住，而民建聯每年年報都話自己個黨年度開支有成億咁多，要搞一個空殼組織先使幾十萬散紙一樣濕濕碎，點會話冇？（講開又講，泛民政黨每年有百萬計收入已經叫高，而民建聯可以去到億億聲，點解有咁多、邊度黎咁多？當害港力班友成日話要求公開政黨收入來源踢爆勾結外國勢力，同佢地一擔擔的民建聯大佬譚耀宗調返轉頭話涉及政黨私隱唔應該公開，民建聯收入來源如何禮義廉，唔難估到啦）
3. 而相信是史上最大謎團係，好多野例如上面兩樣根本大把香港人一早就知，但點解仲可以有咁多水魚送錢俾佢地使呢？鍾意搵鳩黎戇，是香港人本性之一。難怪香港永世唔會擺脫得到大陸掣肘。
Android超神器Tasker，beta左三個月終於正式推出4.0版。如果仲未知咩係Tasker的話，簡單黎講電話app主要操作係話俾部電話知咩時間咩情況下部機應該做乜，而Tasker就係由你直接操縱呢個中央控制介面，仲要任何野都可以按你自己要求去改去設計，買一個app等於買左世界上超過一半app，甚至可以自己整app，好似我好無聊地自己寫左個錄音機app出黎（雖然冇用，因為都係用market現成錄音機app好，哈），同可以唔用開關掣開閂螢幕勁方便。今次4.0版其實功能上冇咩大改動只係將介面變成Android 4.0 Holo版靚左好多，你用過舊版就知以前個幾樣衰幾難用，雖然實際上只係靚左，所以都唔係易用得幾多。而新版最大貢獻係，我用左Tasker兩年幾從未見過減價，今次出新版立即由港紙$50減到$16。頂你灰爆啦，本身係我買過最順Android app，而家廿蚊唔使，抵到仆街呀，尤其原價$50時我已經覺得俾得值。
雖然Android系統黎到4.0仲係超多問題好似勁lag勁窒間唔中hang機crash app，但我仍然死忠，除左Widget呢家野仲因為Dropsync同Tasker，只要iOS一日有iTune冇Tasker，我都唔會用iPhone。