每週一相片大行動
2011 Week 22
一直好鍾意幫襯公司樓下街尾間華潤萬家,咁多間超市佢最細,但事實亦係好多時標價最低,同一樣野可以平大超市一蚊幾。放工行去車站時必定經過,有時日用品用晒想食立雜野,放工順路入去買埋先返屋企,好過幫襯屋企果邊百佳惠康益李氏家族。而且一定冇人,基本上直入直出買野唔使排隊(其實好灰)。同埋,英文名叫Vanguard,型到爆。
好可惜賣得平過人都冇用,開工廈區位置唔多好,就算最近要過隔籬街至有七仔萬寧,始終唔近住宅冇乜人流,唔聲唔聲就執左,最少俾我睇到佢閂舖最後一面。好灰我已經叫做住舊區,屋企果邊好似都係得百佳惠康,最近要行四個字到紅磡先有間Vanguard,仲要唔知執左未。而好多雜貨舖細檔攤執左,變成慢靈、柒仔、窿畸。點樣可以唔俾錢李家、唔俾錢有錢佬?
劉Sir個網
劉Sir個blog