上回，是咁的：

首先要向各位大佬道個歉先，因為我從來冇諗過劉Sir寫野真係會有人好認真噉睇，眾所鳩知劉Sir一向只識鳩吹，唔係都唔會有可以同陶傑齊名每次有人開post講午餐肉都會有人share上高登的午餐肉潮文啦，只係今次係咪玩大左呢，搞到有人輸了。

其實只要唔係為賺錢，我從來唔介意自己文章內容俾人借用，寫作十幾年有時上台灣同大陸forum見到自己文章俾人流傳，雖然好多時只見文不見名，但有人會睇同睇完覺得有得著就夠，即係有幾多人可以生涯第一篇作品已經俾唱片公司借用做宣傳稿、寫作唔算好多年已經被贈「比專業樂評人更專業的_________（e.g. 謝安琪）評論」美名呢，credit與否已是次要，反正由第一日正式寫作開始都冇諗過（可以）名成利就只為寫好音樂，如果想借用拙作內文或概念，只要唔係單純商業目的而為推廣同討論音樂，我就覺得已經做到我落筆一刻所想做到，會唔會出現劉Sir個名係唔會介意或唔滿意 － 老實以我文筆同切入點，肯努力的話要做到可以靠枝筆賺返少少水腳其實唔難，但真係想就唔需要一隻謝安琪都寫三四千字由包裝講到去鳴謝果頁最後果隻字、訪問怒人可以寫足半年萬幾字出街啦，而如果幾千字幾萬字入面有幾隻字係有用處有意思，可以啟發到另一篇新文章帶出更多新議題，就無需要再拘泥於小節啦。

（順便賣賣廣告：怒人新碟《你問我點解咁癲．我話我屌出生天》就快出喇，即係又會有劉Sir碟評同專訪，為照顧各位TL;DR的朋友，今次我會盡力將字數控制到一萬字以內）

所以見到《當樂手不再需要樂器》會用到六翼天使到歐洲錄音段經歷做例，我是開心的，可以上unwire喎！其實我係unwire fans黎架，因為會寫好多將音樂同科技連繫討論之專題文章，呢種題材其他中文3C網好難搵到，而且當連聽metal一班都已經遺忘六翼天使時，如果劉Sir以外都冇人講的話，就可以保證之後永遠唔會有人再提起呢件事或記得佢地，這也是一種傳承。同篇文後半先至係討論重點所在嘛，你叫劉Sir同你share新聞大把貨啦，但將新聞趣聞延伸到有意思討論，你都冇幾可見劉Sir做得到or會做啦，叫佢吹水佢就叻，即係其實上一篇都係純粹等篇文多少少水可以吹先吹到好似好大嗟，結果吹到unwire原作者真係會回應會做野加返劉Sir個朵落篇文度，就覺得好似去食飯野食黎哂先同人講話要換一樣咁唔好意思，我寫野為吹水消遣嗟，人地靠枝筆搵食架嘛。between，其實reference link用返原文會唔會較合適呢：

篇文雖然係玩野亂吹水寫成，但同《當樂手不再需要樂器》一樣，下半部份才是重點呢。如果你問我篇文冇提到劉Sir個名，最大損失係咩？我唔直接答你，我用例子答你：傳說有條厹睇呢篇文時，睇睇下「咦unwire咁多正囡囡相打返鑊飛機都好喎」，點知褲都除埋去到model靚相集，一係要login forum加唔知有幾多分先有得睇，一係仲衰login完仲要回覆至有得你J，更灰係佢想login時先發現唔記得左自己個forum account係乜，因為上次有新女update亦即係上次login，已經係差唔多成年前的事。你知唔知滿心歡喜起晒機點知等到鳩都縮都冇得J，個場面係幾咁悲壯。亦只有抱住如此悲痛莫名心情，先至寫得出如此悲憤的文章。

即係飛機打唔成又唔係咩大損失，係搞到少少心靈創傷噉囉，若果unwire係都要賠償俾我的話，我就唯有勉為其難要求unwire數碼天使 & showgirl HD靚相全集啦，我想睇倪晨曦同Cice Li呀，口桀口桀